Fòmasyon PHCAST pou menajè 

Kou sa a, ki fèt pou w pran nan pwòp vitès pa ou, prepare ou, pou w travay kòm yon menajè pwofesyonèl. Ou pral aprann teknik esansyèl, tankou fason pou w prepare w pou travak avèk nouvo konsomatè, aplike estrateji nan kominikasyon ki efikas, prepare manje an byen, ak konprann fason sistèm yo ki nan kò a fonksyone. Epitou, ou pral aprann fason pou byen bay swen ki santre sou moun, pandan w ap pran swen pwòp byennèt  pa ou ! Nan kou an, gen leson sou fòm videyo, gen aktivite pou fè tchèk sou konesans, ak evalyasyon. Lè w fini ak tout aktivite yo e evalyasyon modil yo, w ap resevwa yon Sètifika, ki di ou te pran fòmasyon an (an anglè : Certificate of Completion) 

Kou a òganize an onz modil :

Modil 1 : Byenveni e fason pou itilize kou sa a 

Modil 2 : Wòl ak responsablite yo  

Modil 3 : Kominikasyon 

Modil 4 : Kilti ak divèsite 

Modil 5 : Sipò nan swen sante 

Modil 6 : Nitrisyon 

Modil 7 : Fè menaj 

Modil 8 : Bezwen konsomatè a 

Modil 9 : Sekirite ak ijans 

Modil 10 : Dwa konsomatè a 

Modil 11 : Aptitid pou lavi 

Kou sa a fèt pou kèlkeswa moun nan, ki nouvo nan domèn swen sante adomisil la, e ki enterese nan fè karyè kòm yon menajè. Ou dwe pase tout 11 modil yo, dapre lòd yo ye a, menm jan ak aktivite pou fè tchèk sou konesans e evalyasyon nan fen modil yo. Lè w fè 80% oswa plis, nan evalyasyon ki nan fen modil yo, w ap resevwa yon Sètifika ki di ou te pran fòmasyon an. L ap pran w apeprè 25 a 35 tè pou suiv kou sa a. Li pa obligatwa pou w te gen eksperyans avan.